21 të burgosur kanë lënë qelitë e sigurisë së lartë si pasojë e koronavirusit, ndërsa janë vetë-izoluar në shtëpi.
Sot ka nisur nxjerrja e tyre nga qelitë, kjo në kuadër të masave të marra ndaj përhapjes së Covid-19, dhe zbatimit të aktit normativ për amnistinë e të burgosurve. 21 të burgosur në burgun e sigurisë së lartë në qytetin e Burrelit, janë dërguar drejt banesave të tyre.
Të burgosurit që përfitojnë nga kjo amnisti do të qëndrojnë 3 muaj në banesë, si vetë-karantinim dhe do të monitorohen nga strukturat policore në mënyrë të vazhdueshme nëse e thyejnë karantinën apo jo.
Ata janë pritur secili nga një familjar, që do të jetë edhe kontakti kryesor apo përgjegjësi për të afërmin e tij gjatë tre muajve.
