Zëvendësguvernatori i Friuli Venezia në Italinë Veriore ka dekretuar sot shpalljen e Gjendjes së Jashtëzakonshme për shkak të frikës nga përhapja e koronavirusit.
Kjo gjendje do të zgjasë deri më 31 korrik për të “përballur rrezikun nga Koronavirusi”. Kryeministri, Giuseppe Conte, ka bërë të ditur në mediat sociale se mund të ketë masa të reja qeveritare në të ardhmen e afërt.
Deri më tani në Itali janë shënuar 2 viktima, ndërkohë që raportohet për 51 persona të infektuar. Viktima e parë ishte një 78-vjeçar, i cili po trajtohej në spitalin e Padova-s nga patologji të mëhershme. Ai ishte infektuar rreth 15 ditë më parë. Ndërsa viktima e dytë ishte një grua nga Veneto,76 vjeçe rezidente në Lombardi.
