Akademia e Arteve dhe Shkencave në Hollywood ka bërë me dije se, edhe filmat e shfaqur online do të mund të garojnë në ceremoninë e vitit të ardhshëm të çmimeve Oscar.
Ky ndryshim ka ardhur si pasojë e situatës së krijuar nga shpërthimi i koronavirusit.
Deri më tani, vetëm filmat që janë shfaqur nëpër kinema për të paktën një javë në Los Angelos kanë pasur mundësi të garojnë.
Mirëpo meqë pandemia me koronavirus ka ndikuar në mbylljen e kinemave në gjithë botën, një numër i filmave janë transmetuar nëpër platforma online.
“Akademia beson se nuk ka mënyrë më të mirë për të përjetuar magjinë e filmave sesa kur ata shfaqen në kinema. Përkushtimi ynë ndaj kësaj teorie është i pandryshuar dhe palëkundur. Megjithatë, pandemia tragjike me sëmundjen Covid-19mn (që shkakton koronavirusi) ka krijuar nevojën e këtij përjashtimi të përkohshëm”, thanë presidenti, David Rubin dhe shefja ekzekutive, Daën Hudson.
Rregullat tradicionale pritet të rikthehen sapo të përfundojë pandemia.
