Në këtë periudhë të vështirë, ku shumë shtete në botë po luftojnë me koronavirusin, solidariteti nuk ka munguar.
Italia është një ndër vendet që ka më shumë nevojë për ndihmë, pasi ka pësuar dhe po vijon të pësojë humbje të shumta në jetë njerëzish.
Ndërkohë së fundmi, një grup prej 21 mjekësh dhe 18 infermierësh nga Kuba kanë mbërritur në Itali për të dhënë kontributin e tyre në luftën ndaj COVID-19.
Raportohet se në grupin e mjekëve, ka epidemiologë, anestezistë, mjekë të kujdesit intensiv, mjekë të përgjithshëm dhe infermierë.
Ky staf, është i specializuar për ndërhyrje emergjente dhe është pjesë e mjekëve që kanë dhënë ndihmën e tyre prej 55-vjetësh në zona të ndryshme të botës, nga Ebola në Afrikë, te tërmeti në Haiti.
