Koronavirusi vdekjeprurës vijon të përhapet me një shpejtësi të frikshme, teksa deri më tani janë regjistruar 566 viktima dhe mbi 28 mijë të infektuar. Shkencëtarë nga e gjithë bota po punojnë për të zbuluar një kurë për këtë virus, ndërsa Kina është izoluar komplet nga frika e përhapjes së infektimit.
Mirëpo një qytet kinez ka gjetur një mënyrë unike për të verifikuar personat e prekur nga ky virus. Ata kanë filluar të përdorin drone të pajisura me kamera termike për të kontrolluar temperaturën e banorëve.
Pajisjet mund të monitorojnë dhe identifikojnë personin që ka temperaturën më të lartë të trupit në një turmë dhe më pas e raportojnë tek zyrtarët shëndetësorë. Autoritetet kineze kanë vendosur mjete ajrore pa pilot për të kryer një seri detyrash, duke përfshirë hedhjen e ushqimit, maska për fytyrën dhe produkte dezinfektues.
