Koronavirusi ka prekur jo vetëm kryeministrin, por edhe Sekretarin e Shëndetësisë në Britaninë e Madhe, Matt Hancock.
Sekretari i Shëndetësisë, Matt Hancock, është konfirmuar me COVID-19. Pak çaste më parë ishte kryeministri britanik, Boris Johnson, i cili tha se ishte testuar pozitiv ndaj koronavirusit.
Hancock ka raportuar se ka marrë këshilla mjekësore për të bërë një test, pasi kishte shfaqur “simptoma të lehta”.
Matt Hancock është shprehur më tej se “shpresoj që ta përfundojë periudhën e izolimit të enjten e ardhshme”, ndërsa simptomat deri më tani kanë qenë të lehta.
Në një videomesazh, Hancock tha: “Për fatin tim të mirë, simptomat deri më tani kanë qenë shumë të lehta, kështu që kam qenë në gjendje të vazhdoj me punën. Do të vazhdoj të bëj gjithçka mundem. Dhe do ta bëj këtë nga këtu“.
