Republika Çeke po shqyrton mundësinë për të mbyllur kufijtë për një vit, si një masë kufizuese për ndalimin e përhapjes së koronavirusit.
Presidenti çek, Miloš Zeman ka shprehur shqetësimin se pas verës në Çeki mund të ketë një valë të dytë të pandemisë. Kjo sipas tij, mund të vijë për shkak të turistëve çekë, të cilët do të udhëtojnë në vende të tjera dhe do e sjellin brenda vendit.
Zeman tha se nuk dihet nëse do ketë valë tjetër, prandaj që kufijtë të mbyllen dhe pushimet të kalohen brenda vendit.
Republika Çeke regjistron 6,787 raste infektimi dhe 188 viktima. Ndërsa 1,311 persona kanë arritur ta mposhtin koronavirusin.
Prej 16 marsit Çekia ka mbyllur kufijtë dhe qytetarët udhëtojnë jashtë vendit vetëm për raste urgjente.
Më shumë së 2,4 milionë njerëz nga e gjithë bota janë prekur nga COVID-19, ndërsa mbi 165 mijë persona kanë humbur jetën.
