Në 24 orët e fundit në Indonezi kanë humbur jetën 60 persona si pasojë e koronavirusit.
Ky është numri më i lartë i regjistruar ndonjëherë në vend, duke marrë parasysh se rastet e para u shënuan në fillim të muajit mars.
“Numri i vdekjeve nga COVID-19, sëmundja e shkaktuar nga koronavirusi, u rrit në 459, pasi u raportuan 60 viktima të reja në 24 orët e kaluara”, njoftoi forca e punës për Covid-19.
Ndërkohë u regjistruan edhe 282 raste të reja, duke e çuar në 4,836 numrin total të personave të infektuar.
Më shumë se 400 persona janë shëruar nga COVID-19, teksa rreth 4 mijë raste janë ende aktive.
Mbi 1,9 milionë raste infektimi janë regjistruar në të gjithë botën, ndërsa numri i viktimave ka shkuar në 121,704.
Vendet më të prekura nga koronavirusi janë SHBA, Italia, Spanja, Franca, Gjermani, Mbretëria e Bashkuar etj.
