Një person në Kosovë dyshohet se është prekur nga koronavirusi.
Lajmin në fjalë e kanë bërë të ditur mediat kosovare.
Raportohet se personi aktualisht po mbahet në Klinikën Infektive të Qendrës Klinike Universitare të Kosovës.
Ministri i Shëndetësisë Arben Vitia, ka pohuar se bëhet fjalë për një paciente, shtetase e huaj që po dyshohet për simptoma të koronavirusit, mirëpo kjo do të vërtetohet pasi të dalë rezultati i analizave.
“Bëhet fjalë për një shtetase të huaj në Kosovë që ka qëndruar në një qendër skijimi me pesë të dyshuar të tjerë që dyshohet se janë infektuar me koronavirus”, tha ai, shkruan “opinion.al”.
Kujtojmë se koronavirusi deri më tani ka marrë 724 jetë njerëzish.
