Ish-deputetja e Partisë Demokratike Grida Duma në një lidhje të drejtpërdrejtë me “News 24” foli për situatën e shkaktuar nga koronavirusi në vend.
Duma ndër të tjera theksoi se në këto ditë të pazakonta, oligarkët kërcënojnë njerëzit me largime nga puna.
“Ne jemi ekonomi e varfër. Më shumë se gjysma e shqiptarëve thjesht mbijetojnë. Ky është realitet social. Familjeve shqiptare u duhet siguruar ushqimi. Pse ia kanë dalë disa shqiptarë? Ia kanë dalë sepse kanë punuar në të zezë.
Nuk janë 2600 shqiptarë pa punë në Shqipëri. Kështu thotë qeveria, por të gjithë e dimë që nuk është e vërtetë.
Ne po flasim për gjëra kryesore në jetën e një njeriu. Por jemi në luftë dhe nuk e dimë sa do zgjasë. Oligarkët thonë se do i heqin nga puna punëtorët.
Oligarkët kërcënojnë njerëzit me largime nga puna.
Këta njerëz janë pasuruar me koncesione. Sakrifica nuk duhet pritur nga ata që mezi jetojnë. Sektorët e mëdhenj duhen ruajtur gjithashtu”, deklaroi Duma.
