Infektimi nga koronavirusi, tashmë është kthyer në një kërcënim global. Autoritetet kineze kanë marrë një tjetër vendim në lidhje me mjekët të cilët po vetësakrifikohen, për të shpërtuar të infektuarit nga virusi vdekjeprurës.
Personeli shëndetësor që ka humbur e humb jetën në betejën epidemike, do marrë statusin e “dëshmorit të atdheut”. Këtë e njofton Selim Belortaja, ambasadori shqiptar në Kinë.
Koronavirusi u ka marrë jetën 1886 njerëzve, ndërsa në të gjithë botën deri më tani janë konfirmuar si të infektuar mbi 73 mijë persona. Mbrëmë në Whan ndërroi jetë edhe një nga mjekët e dy spitaleve, për të sëmurët me virus.
Statusi
Nuk ka tashme asnje dallim mes ushtarakut qe niset në front dhe mjekut, ndihmësave, infermierëve e transportuesve të te infektuarve që bien në kontakt me raste të konfirmuara a të dyshuara të prekjes nga Coronavirus-i. Dje autoritetet kineze shpallën se ashtu si të rënët në betejë, edhe personeli shëndetësor që ka humbur e humb jetën ne betejën epidemike merr statusin e “dëshmorit të atdheut” (martyr). Ky status do te perfshije edhe persona te tjere që kane sakrifikuar jeten -sipas disa kritereve. Sado që duket një masë e brendëshme, ky eshte nje tjeter tregues i angazhimit suprem të Kinës per te luftuar virusin dhe bllokuar perhapjen e tij. Siç thekson OBSH kërcënimi është global. Në këtë kuptim martirët kinezë në vijën e parë të luftës kundër CoV jane edhe ..dëshmorët tanë! Nderim të përjetshëm sakrificës së tyre!
