Ministria e Shëndetësisë raportoi ditën e sotme se 7 persona kanë ndërruar jetë si pasojë e Covid-19 në vendin tonë.
Mes qytetarëve që kanë ndërruar jetë ishte mjeku 64-vjeçar, Muharrem Xhepexhiu nga Lushnja.
Xhepexhiu ishte shtruar prej ditësh në spitalin Infektiv, pasi ishte testuar pozitiv me COVID-19, por nuk arriti ta mundte dot virusin.
Mësohet se mjeku Zhepexhiu ka qenë drejtor i qendrës shëndetësore Hysgjokaj dhe prej disa kohësh kishte probleme me mushkritë.
Ndërkohë, po sot ndërroi jetë 50-vjeçarja Majlinda Ilirjani, e cila punonte si mami në spitalin e Elbasanit, me një eksperiencë 30-vjeçare në këtë profesion.
Në 24 orët e fundit u regjistruan 284 raste rezultuan pozitivë, nga 1278 testime të kryera.
Fatmirësisht, është rritur numri i të shëruarve, 103 brenda një dite.
Situata paraqitet e rënduar edhe në spitalet covid, ku aktualisht janë të shtruar 285 pacientë.
