Koreja e Veriut ka kërcënuar se do të riforcojë praninë ushtarake në zonën e demilitarizuar, pas shkatërrimit të zyrës lidhëse me Korenë e Jugut.
Mediat e huaja raportojnë se Koreja e Veriut ka refuzuar një kërkesë që kishte marrë nga presidenti koreano-jugor, Moon Jae-in për dërgimin e emisarëve për diskutime.
Sipas agjencisë koreano-veriore të lajmeve KCNA, motra e fuqishme e liderit të Koresë së Veriut, Kim Yo Jong, e ka cilësuar këtë kërkesë si “një propozim të keq dhe pa takt”.
“Ne paralajmërojmë se nuk do të tolerojmë më veprime dhe fjalë të paarsyeshme nga Koreja e Veriut”, theksoi zëdhënësi i Shtëpisë Blu, Yoon Do-han, i cili e gjykoi të pazakontë dhe të pakuptimtë faktin që Pheniani njoftoi se Moon kishte propozuar dërgimin e një emisari.
