Kore raciste ndaj Balotellit, befason arbitri me vendimin (Video)

Në përballjen Dijon-Nice, është bërë sërish protagonist Mario Balotelli edhe pse ekipi i tij u mposht me rezultatin 3-2. Ai u ndëshkua me karton të verdhë nga arbitri pasi iu ankua për koret raciste që lëshonin ndaj tij tifozët kundërshtarë.

Ish-sulmuesi i Inter, Milan, Liverpool dhe Manchester City iu drejtua tifozëve duke u thënë që të pushonin, menjëherë pasi humbi një rast në minutën e 72 të ndeshjes Dijon-Nice, që përfundoi me humbjen e skuadrës së tij 3-2.

Balotelli iu ankua arbitrit Nicolas Rainville për koret, por fitoi vetëm një karton të verdhë. Profili i Nice në Twitter e përshkroi kështu incidentin: “Ndërkohë, Mario Balotelli ndëshkohet me karton të verdhë… pasi u mërzit nga koret raciste të publikut”.