Policia e Korçës ka arrestuar dy shtetas në flagrancë, si dhe ka proceduar në gjendje të lirë një tjetër, pasi akuzohen për vjedhje.
Kanë rënë në pranga shtetasit me iniciale F.S., 25 vjeç dhe M.Z., 29 vjeç, banues në Berat. Ndërsa shtetasit A.B.,49 vjeç, banues në Korçë, procedohet penalisht në gjendje të lirë.
Të arrestuarit, punonjës të një kompanie që kryen punime pranë gazsjellësit TAP, janë kapur ditën e djeshme në flagrancë duke i shitur shtetasit A.B., 200 litra naftë, sasi të cilën këta shtetas dyshohet ta kenë vjedhur duke shpërdoruar detyrën, nga një mjet i kompanisë në të cilën ishin të punësuar.
