Në fshatin Koritë të Korçës janë gjetur eshtrat e një njeriu. Bëhet e ditur se ato u zbuluan në themelet e Qendrës Shëndetësore të fshatit nga banorët, të cilët më pas njoftuan edhe policinë.
Eshtrat më pas janë marrë nga efektivët e policisë dhe mjeko-ligjorë, për t’i analizuar dhe për të bërë identifikimin e mundshëm të viktimës. Gjithashtu edhe për të zbardhur rrethanat e vdekjes së këtij personi.
Sipas banorëve të fshatit Koritë, më parë Qendra Shëndetësore ka qenë banesë dhe ka vite që është ndërtuar, raporton BW. Banorët shtojnë se kjo nuk është hera e parë që kanë gjetur eshtra në të njëjtin vend.
