Një aksident i rëndë me pasojë vdekjen u shënua mëngjesin e kësaj të mërkure në fshatin Neviçisht të Korçës.
Një automjet ka përplasur 70 vjeçarin Hekuran Ramo, që po ecte me kalë.
”Më datë 23.09.2020, rreth orës 05:35, në aksin rrugor Korçë-Bilisht, në afërsi të fshatit Neviçisht, ka ndodhur një aksident, ku për pasojë shtetasi E. G., 27 vjeç, banues në fshatin Pojan, duke drejtuar mjetin tip “Volkswagen”, ka përplasur shtetasin H. R., rreth 70 vjeç, banues në fshatin Neviçisht, që lëvizte në rrugë me kalë, i cili ka gjetur vdekjen”, informon policia.
Mësohet se viktima ka dalë me kalë nga rruga dytësore e fshatit në aksin nacional.
Në momentin që ka dalë në mes të rruges, kafsha është trembur dhe është kthyer pas duke i dalë para një automjeti që po kalonte aty.
Si pasojë e përplasjes, ai ka gjetur vdekjen e menjëhershme.
Ndërkohë, drejtuesi i mjetit Erving Gega, u dërgua në Spital për kontroll mjekësor, me të cilin do të kryen veprimet e mëtejshme proceduriale.
Grupi hetimor po punon për zbardhjen e rrethanave dhe shkaqeve të aksidentit.
