Gjatë orëve të fundit, nga ana e policisë u ushtruan kontrollolle në banesat e gjyqtarëve Skender Damini, Aleks Nikolli dhe Petrit Aliajt, ndërsa policia bën me dije se janë gjetur municione, mijëra euro dhe prova të tjera. Operacioni po vijon edhe në këto momente.
“Duke iu përgjigjur interesimit shumë të madh të medias, Policia e Shtetit konfirmon aksionin e ndërmarrë nga forcat speciale, në zbatim të urdhrit nr. 89, datë 14 shkurt 2019, të Gjykatës së Shkallës së Parë për Krime të Rënda, për të ushtruar kontroll në banesat e tre gjyqtarëve, të cilët zbutën dënimin e Dritan Dajtit.
Operacioni policor vazhdon edhe në këto momente, por mund të konfirmojmë se deri tani janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese.
Në përfundim të operacionit, Policia e Shtetit do të ketë një komunikim të veçantë me median dhe publikun”.
