Dy vëllezër kanë përfunduar në pranga, pas një kontrolli të ushtruar në banesën e tyre, në Fier.
Policia ka finalizuar me sukses operacionin antidrogë, të koduar “Kurtaj”, ku u arrestuan në flagrancë shtetasit:
- Altin Shyti, 36 vjeç.
2.Teli Shyti, 26 vjeç, të dy banues në fshatin Ngjeqar, Roskovec, si dhe u sekuestruan pas kontrollit në banesë 86 kg lëndë narkotike Cannabis Sativa, e ndarë në dy fuçi plastike dhe në 5 thasë plastmasi me vakum.
Gjithashtu në cilësinë e provës materiale u gjet dhe sekuestrua edhe 1 armë zjarri automatike, mjeti tip Toyota me targa AA 326 KE si edhe 1 motorçikletë tip Yamaha, e cila nga verifikimet paraprake, dyshohet se është e trafikuar në Shqipëri.
Nga veprimet e para hetimore rezulton se lënda narkotike që u gjet në qeset e vakumit, ishte e përgatitur me qëllim trafikimin e saj jashtë vendit, me destinacion Italinë.
