Ministrja e Shëndetësisë, Ogerta Manastirliu dha garancinë se qeveria është tërhequr nga vendimi për kontratën e ilaçeve, ndërkohë që farmacistët kanë anuluar protestën e tyre.
Tërheqja e qeverisë vjen pasi ajo ka pranuare kërkesën e tyre, ndërsa riformulimi i kontratës së ilaçeve do të bëhet me diskutime në tryezë. Bisedimet qeveri-farmacistë janë parashikuar që të mbahen nesër në orën 11:00.
UFSHMSH ka zhvilluar negociata me fondin për kontratat me farmacitë. Afati për të nënshkruar kontratat ishte deri më datë 18 maj 2018, por ky afat pritet të shtyhet nga negociatat e Urdhrit të Farmacistëve me Fondin e Sigurimeve të Kujdesit Shëndetësor.
