Zëvendës ministri i Mbrojtjes, Petro Koçi, është personazhi i radhës në klasën politike që është infektuar me koronavirus. Ai njofton miqtë e ndjekësit e tij, se virusi ka prekur të gjithë familjen e tij, duke ardhur si ‘dhuratë’ për festat e fundvitit.
Petro Koçi tregon simptomat e shfaqjes së virusit, duke nisur me një kollë të rëndë, temperaturë e shoqëruar edhe me ethe.
Pas bërjes së tamponit, ai është konfirmuar se është infektuar. Zëvendës ministri i Mbrojtjes njofton me anë të statusit në Facebook, se të gjithë kontaktet që ka patur gjatë ditëve të fundit, të tregojnë kujdes dhe të njoftojnë mjekun.
Statusi
Covid, i veteofruar si dhurate per festat e fund dhe fillimvitit hyri pa trokitur ne familjen tone, duke na perqafuar te gjitheve.
Nje kolle qe vjen gjithnje e me shume prej thellesise se kraharorit, temperature nganjehere me ethe, nje keputje trupi, ilace ,gjilpera, cajra etj na shoqerojne ditet.
Dje u konfirmuam me covid dhe nga analiza.
U kerkoj gjithe kontakteve te mia te para 4 diteve te bejne kujdes.
Ju uroj shendet miqte e mi!
