Pak ditë nga miratimi i vendimit nga Këshilli i Ministrave për autorizimin e Avokatit të Shtetit për të kontraktuar një studio ndërkombëtare për të analizuar marrëveshjen me kompaninë kineze, përgjegjëse për sigurinë në aeroportin e Rinasit, një reagim është përcjellë nga Ministrja e Infrastrukurës dhe Enegjisë, Belinda Balluku.
Ajo ka sqaruar se ky vendim nuk përkthehet as në zgjidhje të kontratës koncensionare dhe as në vazhdim, por ka për objektiv skanimin e problematikave të kësaj kontrate. Balluku ka shtuar më tej se kanë kërkuar një mbështetje ligjore, për ta skanuar atë kontratë e cila ishte problematike për të gjithë partnererët të cilët operojnë në aeroport, dhe jo vetëm.
“Përsa i përket një kontrate konsulence që Avokati i Shtetit ka aplikuar për zgjidhjen e problematikës që ne kemi me kontratën koncensionare, kemi të gjithë të drejtën si shtet të aplikojmë për ta pasur mbështetje ligjore nga studio të njohura ndërkombëtare, dhe kjo nuk përkthehet as në zgjidhje të kontratës koncensionare dhe as në vazhdim.
Ne kemi kërkuar një mbështetje ligjore për ta sonduar dhe skanuar atë kontratë e cila është problematike për të gjithë partnerët që operojnë në aeroport, edhe për Policinë e Shtetit, edhe për shtetin shqiptar, nga njëherë dhe për cilësinë e shërbimeve që ju ofrohet qytetarëve atje.
Kështu që nuk ka asgjë të fshehur prapa kërkesës së Avokatit të Shtetit për mbështetjen nga një studio ligjore ndërkombëtare, përsa i përket kontratës së koncensionit. Thjesht ne po marrim masat maksimale për t’u ofruar të gjithë udhëtarëve shqiptarë por dhe atyre të huaj të cilët janë mbi 6 milionë turist në vitin e shkuar dhe presim dhe një rritje, kështu që ata meritojnë të gjithë fokusin e qeverisë shqiptare”, u shpreh Balluku.
