Simpatizantë të Partisë Demokratike janë mbledhur para godinës së Bashkisë së Klosit në formë proteste, pasi brenda saj po zhvillohet konstituuimi i Këshillit Bashkiak.
Ish-deputetja e PD-së, Dhurata Çupi ishte gjithashtu prezente në këtë protestë, nga ku deklaroi se ata nuk do të pranojnë pushtimin e institucioneve.
“Këto janë zgjedhje farse, të paligjshme. Presidenti po tenton t’i riktheje vendit normalitetin. Presidenti po i jep shtysë zhvillimit të vendit”, tha Çupi.
Kujtojmë që nga zgjedhjet e 30 qershorit, fitues për Bashkinë Klos u shpall kandidati socialist, Ilmi Hoxha, i cili do të zëvendësojë Basir Çupën.
