Lideri historik i Partisë Socialiste dhe ish-kryeminsitri Fatos Nano, u është drejtuar me një mesazh pjesëmarrësve në Kongresin e kësaj force politike, që feston sot 30 vjetorin e themelimit të saj.
Gjatë fjalës së tij, Nano u shpreh se Partia Socialiste i ka ruajtur traditat e saj dhe është e vetmja forcë politike që mendon globalisht dhe vepron lokalisht.
Sipas tij, fitorja e mandatit të tretë nga socialistët, është e jashtëzakonshme dhe do të shërbejë si një frymëmarrje për Shqipërinë.
Ndër të tjera, Nano tha se reformat e duhura për të arritur standardet europiane, mund t’i bëjë vetë kryeministri Edi Rama.
Fatos Nano: ”Të dashur bashkëmoshatarë! Kështu ju quaja vitete e para apo jo, në vitet kur së bashku e bëmë PS forcë të parë në Shqipëri. Europiane dhe fituese. Sot jemi të gjithë 30-vjeçarë. Kemi ditur dhe mundur që të ruajmë tradita më të mira duke u përballur me zhvillime dhe duke ecuar me sfidat e kohës. Prandaj jemi e vetmja forcë politike që mendon globalisht dhe vepron lokalisht. Me solidaritet ne ditëm dhe mundëm të formojmë lidershpie të reja. Përshëndetje Edi! Ta kalojmë stafetën nga etërit tek bijtë duke mbajtur në pararojë të shoqërisë një forcë shumëbrezash që po europianizon Shqipërinë.
Natyrshëm jemi infektuar edhe ne nga sëmundjet. Natyrshëm jemi infektuar edhe ne nga sëmundjet të trazicionit por kemi ditur t’i përballojmë më mirë se kushdo tjetër. Sprova e vitalitetit kur jo të gjithë ndryshojnë për mirë është fitorja e mandatit. Frymëmarrje përtëritëse. Jam gëzuar si asnjëherë më parë për kërë arritje të jashtëzakonshme. Dhe ju uroj të gjithëve suksese të reja. Dhe të vazhdojmë reformat për ta ngritur Shqipërinë në standardet e BE. Ky është misioni ynë me kohën dhe veten. Askush nuk e përmbush dot këtë mision. Unë kam besim të plotë se me Edi Ramën dhe me bekimin e Zotit do ta përmbushni këtë mision. E gëzofshi përvjetorin e pjekurisë. Le të vazhdojnë ditët dhe vitet e bardhë. Rrofshi dhe qëllofsh gjithnjë në shenjë. Gëzuar.”
