Ministri turk i Mbrojtjes, Hulusi Akar, ka deklaruar se Turqia po ndjek të drejtat dhe interesat e saj në Mesdheun Lindor, duke mos kërkuar tension.
“Ne nuk po kërkojmë tension ose ngacmim. Ne qartë dhe në mënyrë eksplicite i ndjekim të drejtat dhe interesat tona me besim, njohuri, logjikë, shkencë dhe ligj. Askush nuk mund ta parandalojë këtë”, theksoi Akar.
Ai dha deklaratën gjatë një vizite për inspektime në qendrën e operacioneve ajrore në provincën qendrore Eskişehir.
Dy ditë më parë, SHBA njoftoi se ka hequr pjesërisht embargon mbi Qipron greke. Në lidhje me vendimin e fundit të SHBA-së për të hequr pjesërisht embargon e armëve ndaj administratës së Qipros greke, Akar tha se kjo do të shkaktojë “konflikt dhe bllokim” dhe jo “paqe dhe zgjidhje”.
Sekretari amerikan i Shtetit, Mike Pompeo, informoi kreun e administratës së Qipros greke Nicos Anastasiades, se SHBA ka hequr pjesërisht embargon e saj të armëve për Qipron greke, si dhe kanë diskutuar “thellimin” e marrëdhënieve të sigurisë.
