E enjte, 5 Gusht, 2021
24.5 C
Tirana

Konflikti për 100 m tokë/“Dora më kullonte gjak. Policia aty, kushëriri më goditi me sëpatë” (Video)

Për 100 metër tokë, një konflikt që vazhdon prej vitesh mes vëllezërve që mund të kishte përfunduar në tragjedi. Një 39-vjeçar, babai i 4 fëmijëve është qëlluar me sëpatë nga kushëriri i tij, të cilit i kishin dhunuar babanë.

“Shteti të ndërhyjë”, thotë nga spitali Sokol Lalaj që mbeti i plagosur gjatë konfliktit.

Ai tregon gjithë ngjarjen dhe thotë se mollë sherri është bërë një sipërfaqe prej 100 metrash ku ka mbjellë ullinj por se nuk po e zgjidh dot në mënyrë ligjore, raporton “BalkanWeb”.

Sherri ka ndodhur mes vëllezërve Lalaj në fshatin Çorrush ku policia ka arrestuar pas ngjarjes tre persona, mes tyre edhe 22-vjeçarin që plagosi kushëririn.

Për pronën jeni konfliktuar?

Nuk çaj dot në Mallakastër se ka miq e ka shok. Vete plaku e përzënë, vete unë, ik atje ik këtu. Kemi një vit e ca që sorollatemi dhe për çfarë për tokën time, e sa është 100 metër tokë se mos janë hektarë por unë e kam mbjellë ullinj atë.

Jeni në proces gjyqësor?

Po në proces gjyqësor. Se unë pardje erdha nga Greqia, Fieri e ka rrëzuar nuk jam shumë i saktë. Unë jam emigrant në Greqi prej 20 vitesh. Kam 4 fëmijë, 3 vajza e një djalë. Dua ndihmë nga shteti. Kemi konflikte me tokat dhe vetëm shtetit të vijë direkt të ndajë tokat. Se në komunë e bashki nuk çan dot se ka njerëzit e tij.

Kush i ka tokat?

Ne jemi në konflikt me xhaxhanë për punë tokash. Të vijë shteti, me gjithë polici e ministri ça janë të vijnë që mos të bëhet gjendja më keq se është.

Do merrni hak?

Jo, për t’u hakmarrë jo. Unë kam 4 fëmijë, nuk jam i tillë të hakmerrem. Dua në mënyrë ligjore.

Si ndodhi ngjarja?

Unë jetoj në Ballsh prej 10 vitesh, jam nga Çorrushi. Dje kishte bërë llafe plaku me xhaxhanë për punën e tokave dhe më merr byrazeri në telefon më thotë ik bëj denoncimin se xhaxhai ka qëlluar babanë. Bëra denoncimin tek policia, ika në shtëpi. Pas 5 minutash dola prapë dhe po prisja që të vinin ata nga fshati me gjithë policinë dhe thashë të rrija atje. Pastaj u nisa të dal lart, më vjen kushëriri shtizë me makinë. Djali i xhaxhait me sëpatë dhe filloi po më godiste, më ofendoi e më godiste. Në fillim filloi me bishtin e sëpatës pastaj nuk e di si e ktheu dhe më zuri në dy vende, këtu. Në moment i bie sëpata nga bishti dhe ia futi vrapit por policia ishte afër 10-20 metër.

Po ti e qëllove?

Unë nuk e qëllova, me një dorë mbrohesha, siç më goditi mbaja dorën se kullonte gjak. Ai iku se i doli sëpata nga bishti e i doli policia përpara. E futën brenda, mua më çuan në spitalin e Ballshit me makinë policie pastaj më sollën në Fier. Mi kanë qepur plagët./BW

- Reklama -

Më shumë nga kategoria




Të fundit

Situatë alarmante nga zjarret në Shqipëri

Prej disa ditësh Shqipëria ndodhet e përfshirë nga zjarret, pothuajse në të gjithë territorin e saj. Sipas të dhënave zyrtare nga Agjencia e Emergjencave...

I nxorrën fytit qumështin e dhisë së Karaburunit, kishte shijen e zjarrit

Nga: Lorenc Vangjeli Eqrem bej Vlora ka një përshkrim të jashtëzakonshëm të qelizës njerëzore shqiptare në librin e tij “Kujtime 1885 – 1925”. Evropianoperëndimori fisnik...

Moti bën kthesën e madhe, nesër priten reshje shiu

Nga nesër, gradualisht mbi vendin tonë pritet depërtimi i masave ajrore relativisht të paqëndrueshme, të lagështa dhe më të freskëta me origjinë veriperëndimore. Moti...

Sa na kushton një zjarrvënie!

Nga: Dritan Hila Canadair, Viking, Bombardier jane emrat qe njihen avionët e shuarjes së zjarreve. Kushtojnë nga 35-65 milionë dollarë për njësi. Po kaq kushton...

Ekstradohet nga Greqia ish-anëtari i bandës së Cerrikut

Një ish-anëtar i Bandës së Cerrikut është ekstraduar nga Greqia. Nga Zyra Qendrore Interpol Tirana është kryer ekstradimi i shtetasit Bashkim Buzani, 50-vjeç. Ky...