Kancelarja gjermane, Angela Merkel ka zhvilluar një bisedë telefonike me presidenti e Turqisë, Recep Tayyip Erdogan, ku kanë diskutuar për situatën në veri të Sirisë. Lajmi u konfirmua nga një zëdhënëse e qeverisë gjermane.
“Ata janë pajtuar që të vazhdojë të jenë në kontakt të ngushtë për këtë çështje”, tha ajo. Duke mos përcjellë më shumë detaje lidhur me përmbajtjen e bisedës.
Koalicioni qeverisës në Gjermani ka pasur dyshime se si të përgjigjet lidhur me ofensivën turke, transmeton ‘Rel’. Socialdemokratët kanë kundërshtuar një propozim të ministres së Mbrotjes, Annegret Kramp-Karrenbauer që të krijohet një “zonë e sigurt” nga Kombet e Bashkuara, në zonën kufitare Siri-Turqi.
Pak ditë më parë, Turqia dhe SHBA arritën një marrëveshje për të ndaluar ndërhyrjen e ofensivës turke në veri të Sirisë.
