Kryeministri Edi Rama ka mbledhur Asamblenë e Partisë Socialiste në Tiranë tek Katedralja e Kishës Ortodokse. Në fokus të mbledhjes kanë qenë zgjedhjet e ardhshme lokale, të cilat do të mbahen në fund të muajit qershor.
Sa i takon kryeqytetit, Rama do të rikandidojë Veliajn, teksa ka nënvizuar se ai vetë nuk kishte një tjetër emër, duke pyetur Asamblenë nëse kanë ndonjë emër tjetër për të propozuar.
Mësohet se as nga asambleja e PS nuk është propozuar njeri tjetër, e si rrjedhojë duke i dhënë një siguri Veliajt si kandidat potencial i socialistëve në zgjedhjet e ardhshme.
Po ashtu, kryeministri Rama ka deklaruar se në zgjedhjet e 30 qershorit do të hyhet me apo pa opozitën, ndërsa ka dhënë udhëzime që të vijohet puna për fushatën elektorale.
