Ditën e sotme janë konfirmuar 20 raste të reja me koronavirus në Kosovë.
Instituti Kombëtar i Shëndetësisë Publike njofton se: “Rastet pozitive janë raste kontakti, pesëmbëdhjetë (15) prej të cilave janë me vendbanim në Banjë -Malishevë, dy (2 ) me vendbanim në Malishevë, një (1) me vendbanim në Bllace-Suharekë, një (1) me vendbanim në Drenas dhe një (1) me vendbanim në Prishtinë”.
Në Kosovë, në total deri më tani janë konfirmuar 165 raste me COVID-19.
Nga radhët e komunitetit serb, janë infektuar 33 persona, ndërsa një ka vdekur.
Komuniteti serb i raporton rastet e veta në Serbi.
Kujtojmë se qeveria në detyrë e Kosovës ka shpallur gjendje emergjente për shëndetin publik.
