Ministri në detyrë për Evropën dhe Punët e Jashtme, Gent Cakaj, ka zhvilluar ditën e sotme një takim me homologun slloven, Miro Cerar.
Përmes një postimi në Facebook, Cakaj tha se në fokus të bisedës mes tyre ishte hapja e negociatave për anëtarësimin e Shqipërisë në BE, brenda këtij viti.
“Në Mynih, mes tjerash, bisedova edhe me Ministrin e Jashtëm të Sllovenisë, z. Miro Cerar, për të ritheksuar edhe njëherë rëndësinë e veçantë e çeljes së negociatave për anëtarësim me Shqipërinë gjatë 2020! Ky vendim do të ketë peshë të posaçme për të thelluar reformat, mbështetur zhvillimin e rajonit dhe ruajtur besueshmërinë e BE-së në Ballkanin Perëndimor në përgjithësi”, shkruan ai në postimin e tij.
Ministri Cakaj ndodhet në Mynih ku po merr pjesë në Konferencën e Sigurisë.
