Trajneri i kombëtares shqiptare pak ditë më parë në një konferencë për shtyp u shpreh se ndaj tij po punonin grupe të organizuara për ti kthyer lojtarët kundër. Për këtë çështje ka reaguar edhe presidenti Armand Duka, i cili është shprehur se ka zëra kundër por që nuk janë të organizuara.
“Në fakt ka grupime, por nuk është se janë të organizuar. Sakrifikojnë veten për t’u treguar të rëndësishëm. Sulm i orkestruar, i dirigjuar kundër një njeriu të vetëm”, u shpreh shkurtimisht Duka.
Ky ka qenë komenti që Panucci ka bërë në konferencën e mbajtur pak ditë më parë: “Thuhet se lojtarët janë të pakënaqur që nuk luajnë në Kombëtare, por ata nuk luajnë në klubet e tyre. Është dikush që përpunon lojtarët për të thënë që janë të pakënaqur. Unë s’jam budalla, i di si funksionojnë gjërat dhe e kam fjalën për atë që ndodhi pas Skocisë”.
