Shkencëtarët po bëjnë ç’është e mundur që të gjejnë vaksinën, që mund t’i shërojë njerëzit sa më shpejt. Për të ndihmuar në këtë kërkim, kërkuesit kanë përfshirë superkompjuterin më të fuqishëm në botë, Summit, ndërtuar nga kompania IBM.
Zhvillimi i ilaçeve është një proces shumë i gjatë. Madje mund të marrë edhe vite që një medikament i ri të dalë në treg. Për këtë arsye, kompjuterat si Summit janë të nevojshëm gjatë shpërthimit të një virusi ngjitës, për të cilin akoma nuk ekziston një kurë.
Summit është aq i madh sa zë hapësirën e dy fushave tenisi në Laboratorin Kombëtar të Oak Ridge në Departamentin e Energjisë të Sh.B.A-së në Tenesi. Superkompjuteri mund të bëjë 200 kadrilion kalkulime çdo sekondë – përafërsisht 1 milionë herë më shumë fuqi kompjuterike se laptopi i zakonshëm.
Disa teste të vaksinës po kalojnë në provën e parë tek kafshët. E ndërsa shumë shkencëtarë të tjerë kanë përparuar në këtë drejtim, duke e testuar tek njerëzit.
Muajin që shkoi, shkencëtarët përdorën ekranin për të kaluar 8.000 përbërës të panjohur ilaçesh potencialisht efikase ndaj koronavirusit. Përbërësit përfshijnë kimikate, medicina herbale, dhe produkte natyrale që ose nuk janë studiuar kurrë tek njerëzit, ose janë ilaçe të testuara dhe të aprovuar. Summit ka dalë me një listë të shkurtër prej 77 përbërësish në vetëm dy ditë. Duke përdorur një kompjuter mesatar, ky proces do kishte marrë muaj të tërë.
Jeremy Smith, biofizikanti molekular që është duke vënë në punë simulimet, ka thënë se nëse një nga këta përbërës funksionojnë, procesi i zhvillimit të ilaçeve do të jetë shumë i shpejtë.
“Nëse një nga këta përbërës funksionojnë, procesi i zhvillimit dhe aprovimit, krahasuar me ilaçet e zakonshme do jetë shumë më i shpejtë”.
