Politikani, historiani dhe diplomati Neritan Ceka, ka qenë i ftuar mbrëmjen e sotme në emisionin “Open” në Top Channel, ku ka folur për Komisionin Hetimor Parlamentar për shkarkimin e kreut të shtetit, Ilir Meta.
I pyetur për punën e Komisionit sot, Ceka ka shpërthyer kundër anëtarëve. Ai i ka cilësuar si injorantë, të cilët nuk dinë rregulloren e Kuvendit.
“Kush janë këta, kush i njeh ata? Ata nuk lexojnë. Janë injorant, nuk dinë as rregulloren e Kuvendit, ata do ta hetojnë Metën”, ishte kjo deklarata e Cekës.
Në këtë moment Eni Vasili i ka thënë se kryetar është Ulsi Manja, por dhe për këtë emër historiani tha se nuk përfaqëson askënd. “Kush është ky Ulsi Manja, e njeh njeri këtë? Mos të flasim për këta të tjerët”, përfundoi ai.
