Kryeministri i Kosovës Albin Kurti, para disa ditësh dërgoi kërkesë për opinion në Komisionin e Venecias në lidhje me kompetencat e Presidentit Hashim Thaçi në shpërndarjen e Kuvendit dhe propozimin e mandatarit.
Ndërkohë Komisioni i Venecias i është përgjigjur ditën e sotme Kurtit.
Raportohet se Komisioni ka vlerësuar që të respektojë vendimmarrjen e Gjykatës Kushtetuese.
“Pasi Gjykata Kushtetuese ka marrë vendim për vendosjen e masës së përkohshme deri më 29 maj, duke e pezulluar veprimin e Dekretit të Presidentit, dhe meqë Gjykata po e trajton këtë çështje, Komisioni ka vlerësuar që të respektojë vendimarrjen e Gjykatës Kushtetuese.
Ne e mirëpresim sugjerimin e Komisionit për të respektuar e pritur shqyrtimin e kërkesës dhe vendimin e Gjykatës Kushtetuese.
Pas trajtimit nëse shihet nevoja për sqarime shtesë dhe ndihmë për opinion nga Komisioni, do të ndërmarrim hapat e nevojshëm”, njofton Zyra e Kryeministrit.
