Deputeti i Partisë Demokratike, Klevis Balliu ka komentuar vizitën dhe deklaratën e përbashkët për media të eurokomisionerit Johanes Hahn me kryeministrin Edi Rama në Tiranë.
Me anë të një postimi në rrjetin social “Facebook, Klevis Balliu deklaron se Hahn është totalisht i dezinformuar nga qeveria, pasi antena i kap vetëm ERTV.
Komisionerit Hahn duhet t’i blejmë digitalb, sepse deri tani antena i kap vetëm ERTV.
Komisioneri Hahn është totalisht i dizinformuar nga qeveria, për arsye të cilat unë nuk i di.
Por mendoj që do të ishte mirë ti bëjmë dhuratë një digitalb, që Komisioneri Hahn të shohë realitetin e vërtetë në Shqipëri. Në mediat e lira dhe që i shërbejnë interesave të qytetarëve shqiptarë, Hahn do mundë të shohë një tjetër realitet, ndryshe nga sa e paraqet ERTV. Ky informacion Hahn do ta ndihmonte shumë përpara se sa ai të jepte konferenca shtypi në Tiranë.
