Ministri i Brendshëm Fatmir Xhafaj ka pritur në një takim paraditen e sotme Komisionerin e Bashkimit Europian, Dimitris Avramopoulos.
Takimi mes tyre ka nisur rreth orës 09:30 në ambientet e Ministrisë së Punëve të Brendshme. Komisioneri Avramopoulos shoqërohet nga ambasadorja e delegacionit të BE në Tiranë, Romaba Vlahutin.
Në një konferencë e përbashkët për shtyp Xhafaj-Avramopoulos folën për dy marrëveshjet që firmosën. 
Gjatë fjalës së tij, ministri Xhafaj u shpreh se :“E informova mbi punën dhe prioritetet mbi Policinë e Shtetit në këto muaj që pas takimit të fundit në Bruksel. E garantova që po bëjmë çfarë është e mundur, se Shqipëria nuk do të jetë më në vendet që kultivojnë kanabis. Rezultatet e operacionit “Forca e Ligjit” janë inkurajuese, e informova edhe për procesin e Vettingut që sapo kemi nisur. Forcimi i bashkëpunimit operativ do të kontribuojë në rritjen e sigurisë së kufijve. Kjo është një marrëveshje e rëndësishme që do na ndihmojë të marrim asistencë për punonjësit tanë, ndihmon në marrjen pjesë të projekteve të BE-së. Ne do të ndjekim procedurat e kërkuara për miratimin saj në parlament, Forcimi i kontrollit në kufi, mbetet prioritet për ne si kusht për të garantuar lëvizjen e lirë. Memorandumin e mirëkuptimit, me nisma konkrete kundër lëndëve narkotike. Faleminderit për mbështetjen që më konfirmoi në takimin së bashku”.
