Pasi u ‘masakrua’ nga komentuesit në rrjetet sociale, të cilëve nuk u pëlqeu fakti që Meta pozoi krah fitueses së çmimit ‘”Nobel për Paqe’’ dhe lideres së Mianmarit (Burmës) Aung San Suu Kyi, presidenti ka zgjedhur që ta fshijë si foto.
Postimi i Presidentit Ilir Meta:
Ishte kënaqësi të takoja sot Nobelisten e Paqes të mirënjohur, Aung San Suu Kyi, zonjë e jashtëzakonshme dhe shembull frymëzimi për demokraci në mbarë botën!
Duket se Presidenti ka respektuar qytetarët, të cilët e vunë me ‘shpatulla pas murit’, teksa e kujtuan se politikania e Mianmarit akuzohet për genocidin ndaj 24 mijë myslimanëve Rohinga.
Ky postim nuk është pritur mirë nga komentuesit, të cilët kanë nisur t’i kujtojnë Kreut të Shtetit, të shkuarën e Aung San Suu Kyi.
Ka pasur nga ata që e kanë quajtur një turp ndërkombëtar, pasi sipas tyre, nobelistja është shkaktare e masakrës dhe përndjekjes së mijëra muslimanëve civilë të pafajshëm Rohinga nga Mianmari drejt Bangladeshit.
Më herët janë hapur shumë peticione online, të cilët janë nënshkruar nga miliona njerëz, ku kanë bërë thirrje për revokimin e “Nobelit të Paqes” për Suu Kyi, shkaktare e persekutimit, masakrës dhe genocidit mbi komunitetin pakicë të myslimanëve Rohingianë.
