Kryeministri Edi Rama vijon të ketë agjendën e tij me postimet në “Facebook” po u shqetësuar shumë se çfarë ndodh në vend. Situata në vend është e rënduar pas përmbytjeve të fundit por kryeministri poston një foto artistike ku është i mbështetur në një kalë, duke iu shmangur realitetit.
Ndërkohë kryetarja e Bashkisë së Gjirokastrës, Zamira Rami i ka kërkuar kryeministrit që të shpallë gjendjen e jashtëzakonshme në Gjirokastër(lajmin e plotë lexoje këtu).
Qytetarët që komentojnë negativisht foton dhe flasin për të gjitha shqetësimet që ka sot vendi.
Një nga komentuesit i shkruan kryeministrit “Hipja atij kalit. Ashtu siç u ke hipur të gjithë shqiptarëve…”
Ndërkohë një tjetër komentues shkruan: “Zoti kryeministër, ju lutem lërini reklamat, por do t’ju lutesha të mos e shisni të gjithë detin ! Lini pak, që të kemi ku të mbytemi, se jemi populli më qesharak në botë !!”
Madje një nga qytetarët e ka akuzuar kryeministrin nëse ka pirë drogë para se te bëjë foton. “Ome Edo i ke fut ndonjë vizë ti,” pyet qytetari.
