Portieri i Kombëtares Etrit Berisha ka gjetur një tjetër klub për sezonin e ardhshëm. Berisha u zyrtarizua nga Torino si zëvëndësues i Salvatore Sirigusë që është aktualisht portiere i parë i “Demave”. Berisha vjen nga një sezon me SPAL-in. Etriti ka luajtur më parë me Lacion dhe Atalantën në Serie A.
Ivan Balliu
Ivan Balliu Campeny, katalanasi me gjyshin shqiptar që ka luajtur për kombëtaren shqiptare është një lojtar pa skuadër si shumë të tjerë në këtë periudhë. Balliu u nda me Almerian 3 ditë më parë dhe pritet me interes destinacioni i rradhës. Në Twitter ai falënderoi klubin dhe të gjithë njerëzit që e përbëjnë klubin ku luajti së fundi.
“Sot është momenti t’i them lamtumirë një klubi që gjithmonë do ta mbaj në zemrën time. Faleminderit të gjithë njerëzve që bëjnë Almerian; menaxherët, punëtorët, lojtarët dhe këtë afeksion të MADH. Dhe mbi të gjitha, shumë faleminderit Turki Alalshikh për këtë mundësi të madhe.”
Balliu ka luajtur më parë me Barcelonën e moshave dhe Barcelona B, si dhe me Metz në Francë. Me kombëtaren Balliu ka realizuar 2 ndeshje në krahun e majtë të mbrojtjes.
