Kolegji Zgjedhor nuk e ka pranuar kërkesën e PD-së, që të pezullohej procesi i dhënies së mandateve për Këshillat Bashkiakë, deri në momentin kur Gjykata Kushtetuese të jepte vendimin.
Nga ana tjetër, Kolegji ka pranuar kërkesën e PS-së për shpërndarjen e mandateve të Këshillave Bashkiakë për Bashkinë e Urës Vajgurore.
Vendimi i Kolegjit ka ardhur pasi Komisioni Qendror i Zgjedhjeve, nuk ka arritur të votojë me kuorumin e nevojshëm. KQZ-ja nuk mund të certifikonte Këshillat Bashkiakë, pasi nuk kishte 5 votat e mundshme që duheshin duke qenë se në çdo vendim që është marrë për 30 Qershorin, kryetari i KQZ-së, Klement Zguri ka votuar kundër.
Përballë faktit se KQZ-ja nuk mund të vendoste për këshillat, PS-ja iu drejtua Kolegjit duke marrë certifikimin për bashkinë e parë. Kolegji Zgjedhor ka nisur me Bashkinë Ura Vajgurore për të vazhduar më pas me të tjera bashki, në seancat e së hënës e për të vijuar me të tjera ditët në vazhdim.
