Pas rifillimit të veprimtarisë, Kolegji Penal i Gjykatës së Lartë menjëherë ka gjykuar në dhomë këshillimi çështjet që përbënin emergjencë për aktivitetin gjyqësor jo vetëm të Gjykatës së Lartë, por edhe për gjykatat e rretheve gjyqësore dhe të apelit.
Raportohet se në çështjet e shqyrtuara përfshihen zgjidhja e mosmarrëveshjeve për kompetencë ndërmjet gjykatave, rekurset lidhur me masat e sigurimit, lidhur me të drejtat dhe liritë themelore të njeriut, ekstradimet, kërkesat për përjashtime të gjyqtarëve, etj.
Vlen të theksohet fakti se kolegji penal deri tani ka shqyrtuar të gjitha çështjet emergjente të mbetura pezull, plot 180 të tilla.
