Një në katër makina vijon të mos arrijë dot të kalojë provat e kolaudimit. Kreu i DPSHTRR, Blendi Gonxhe, ka vënë thjeksin se “kolaudimi është përgjegjësi personale” dhe ka ftuar shoferët që të jenë të përgjegjshëm për kontrollin e automjeteve.
Shërbimi i ri nisi më 31 maj, jo më përmes koncesionarit, por si shërbim publik. Në sitë e kontrollorevë teknikë mësohet se janë ende mjetet për certifikim emergjent, kontrolli i të cilave është domosdoshmëri, pasi ofrojnë shërbime publike e si të tilla janë konsumuar më tepër. “Momentalisht në kontroll teknik janë kategori të caktuara automjetesh që lidhen me afate të ulëta të certifikatave të kontrollit teknik, siç janë taksi, mjetet e udhëtarëve. Këtu hyjnë dhe rimorkiot, zjarrfikëset, mjete speciale pune, ndërtimi, teknologjike, autoshkolla e të tjera. Bëhet fjalë për mjete konsumi dhe amortizimi më të madh, prandaj bëhen të parat”, ka shpjeguar Gonxhe.
Në muajin e parë të rinisjes së shërbimit u testuan 30145 mjete, nga të cilat 66.8% janë vetura, 21% kamionë dhe 7% autobusë. Sipas DRSHTRR-së, nga këto kontrolle 7331 mjeteve iu është refuzuar kolaudimi, me urdhrin për t’u ritestuar për dëmtime si goma të tejkonsumuara, xhama të dëmtuar, defekte e mangësi në sistem, ndërkohë që një nga problemet më të shpeshta mbetet sistemi i drejtimit. Sipas Gonxhes, ky institucion po bën edhe një “listë të zezë’ për autmojetet që nuk paraqiten për kontroll apo që konstatohen përmes vëzhgimit me shkelje të kushteve të qarkullimit. Ndërkaq, mjetet e mbetura gjatë kontrollit kanë një muaj afat për të riparuar defektet e konstatuara. “Përndryshe, nëse nuk rikthene për kolaudimin, humbin të drejtën e qarkullimit me atë makinë”, ka theksuar Gonxhe.
Në cilat shtete mjafton vetëm leja e qarkullimit ndërkombëtare :
Kosovë,
Maqedoni
Mali i Zi,
Itali
Greqi.
Për vendet e tyjera nevojitet të shikohet skandenca e lejes së drejtimit bashkë me lejen e qarkullimit ndërkombëtar. Për këtë shërbim mësohet se duhet të paraqitrn ata që udhëtojnë në drejtoritë rajonale të afërt me lejen e drejtimit dhe qarkullimit, dokumentin e identifikimit si dhe një fotografi për secilën nga lejet që nevojiten. Tarifa për të dyja shërbimet është nga 500 lekë, dhe është e vlefshme jo vetëm për këtë periudhë, por për tre vjet./Tirana Today
