Gjashtë ditë pas kapjes së sasisë rekord të kokainës në Maminas, ekspertë të DEA-s kanë ndërhyrë, teksa kanë zbarkuar sot në Durrës.
Mësohet se 4 agjentë kanë mbërritur në Portin e Durrësit për të kryer verifikime lidhur me procedurën e kapjes së 613 kg kokainë.
Ekspertët janë nga Qendra Antidrogë e Ballkanit në Athinë. Agjentët speciale të pajisur me pasaporta diplomatike erdhën nga pika kufitare e Kakavijës.
Kujtojmë se deri më tani janë arrestuar dy persona, punonjës të kompanisë “Arbri Garden” që kishte porositur bananet në Kolumbi, në kontejnerin e së cilës u gjet edhe drogë, ndërsa vetë pronari Arbër Çekani është shpallur në kërkim.
