Ish-kreu i SHISH, Fatos Klosi tha sonte se policia shqiptare ka bërë detyrën e saj, por tashmë është radha e prokurorisë që të ndjek hetimet dhe të vendos në pranga personat e përfshirë. I ftuar në studion e lajmeve në “News 24”, Klosi tha se mund të këtë përplasje të grupeve kriminale për humbjen e madhe dhe për këtë prokuroria duhet që të jetë shumë e vëmendshme. Ai tha se gjithë kjo kokainë nuk është porosi e një personi të vetëm por e grupeve të ndryshme kriminale. Klosi e fakton këtë edhe me numrat që ishin vendosur mbi pakot e drogës.
“Roli i shërbimeve të partnerëve është shumë i madh meqenëse ata e kontrollojnë trafikun e drogës në botë sepse ata kanë aparatura dhe mundësitë.
Në Shqipëri të huajt sjellin sinjale dhe jo detaje. Por kjo është e mjaftueshme që policia shqiptare të hetojë.
Është e sigurt që për operacione të tilla duhet bashkëpunimi edhe me ndërkombëtarët. Trafikantët janë organizuar shumë mirë deri tani ndaj dhe zbulueshmëria është shumë e vështirë.
Për të ndjekur të tilla operacione duhen me muaj të tëra hetime që të finalizohet me sukses.
Duhet të ndjekim se çfarë duhet të ndodh. Tani mund të shohim dhe përplasjet mes atyre që kanë investuar. Sepse nuk është investimi i një njeriu të vetëm por i grupeve. Edhe droga ishte shënuar me numra ne pako që ishte vendosur më parë se ku do të shkonte.
Është për tu përgëzuar ky operacion i policisë. Tani të presim punën e prokurorisë dhe të presim përplasjet e mundshme.
Në trafiqet e lëndëve narkotike shpesh lihet që trafikantët ta çojnë mallin në magazinë që të kapen sa më shumë. Me siguri ndërkombëtarët kanë informacione edhe për ata që kanë shoqëruar drogën nga Kolumbia deri këtu.
Shqiptarët janë bërë të rëndësishëm në trafikun e drogës. Shumë e vështirë që të parandalohen të tilla trafiqe në të gjithë botën,” deklaroi Klosi.
