Napoli është duke kaluar një moment mjaft delikat në kampionat, pasi në javët e fundit ka lëshuar shumë terren ndaj Juventusit të vendit të parë. Por duket se çështja titull tani është mbyllur në Serie A dhe kanë filluar të mendojnë mbi rinovimet dhe përgatitjet për sezonin e ardhshëm.
Parësorë tek napolitanët duket se është rinovimi i Callejon, pasi ky i fundit pëlqehet shumë nga Ancelotti. Ata mund të humbasin një lojtar mjaft të rëndësishëm si Dris Mertens, i cili mund të ndjekë kapitenin Hamsik në Kinë.
Ka edhe një pistë për Elseid Hysajn, por që duket shumë e largët dhe rinovimi duket se nuk do të vijë. Por nga anën tjetër Napoli nuk mund të sigurojë një ofertë si ajo e merkatos së verës për shqiptarin, ku Chelsea e kërkoi për 40 milionë euro. Tashmë presidenti De Laurentis duhet të ulet të bisedojë edhe njëherë me agjentin e shkodranit, për të gjetur një rrugë të mesme, që edhe në rast largimi ti vendoset një çmim i arsyeshëm.
Nqën drjtimine Ancelottit, Hysaj e ka parë veten shumë herë në stol dhe nuk është më ai titullari i padiskutueshëm si në kohën e Sarrit. Një tjetër rinovim i rëndësishëm pritet të jetë ai i Zielinskit, ky i fundit është shprehur: “Unë dua të rri këtu, por për këtë duhet të flasë agjenti im”.
