Presidenti Ilir Meta deklaroi dje se vetëm referendumi është zgjidhja për situatën që po kalon vendi.
Ai u shpreh se sot është dita kur populli shqiptar votoi me referendum në mënyrën më “shembullore kushtetutën më të mirë që ne bëmë pas kaosit të 97-ës”. Ndërsa akuzoi kryeministrin Edi Rama dhe ndërkombëtarët.
Sipas tij, në vitin 2008 edhe më pas, jo vetëm e minuan gjithë parimet e balancës dhe kontrollit të saj, por edhe njëkohësisht duan ta përdhosin çdo ditë Kushtetutën.
“Zgjidhja e vetme referendumi”, Meta “shpërthen” sërish ndaj ndërkombëtarëve
Ndërkohë, kreu i shtetit bën thirrje se ka ardhur koha për një referendum të ri. Ai ka publikuar Kushtetutën në faqen e tij në “Facebook”, teksa shkruan: “Sot është dita e Referendumit të tradhtuar. Koha për referendum të ri”.
