Pas një seancë maratonë deri në orën 03:00 të së premtes, deputeti socialist Erion Braçe ka postuar një foto nga foltorja e Kuvendit, ku shkruan: Koha për punë tjetër!
Mazhoranca i dha dritën jeshile jetësimit të portit të ri turistik të Durrësit, duke votuar marrëveshjen me 76 vota pro. Para se fuqia e votës të vendoste për këtë projekt, në seance opozita kundërshtoi me të gjitha mënyrat duke imponuar debatin pa afat për këtë çështje me shume rendësi për Shqipërinë dhe Durrësin, duke bllokuar edhe dy here foltoren dhe vijimin normal të seancës.
Ky projekt do të zhvillohet në një sipërfaqe trualli prej 812 600 m2. Parashikohen 12 000 apartamente dhe 2 hotele me 850 dhoma në total. Faza e parë nis në 2023-shin e zgjat për 5 vite, me vlerë investimi € 595 milionë euro, dhe për fazën e dytë që pritet të nisë në 2028-ën, investimi është rreth 1 miliardë e gjysmë euro.
Marrëveshja ka një jetëgjatësi prej 35 vitesh, ndërsa përfundimi total i realizimit të projektit zgjat 20 vite. Qeveria shqiptare do të përfitoi gjatë gjithë kohës 33.3% të dividentit. Parashikohen 12 000 të punësuar.
