Kreu i grupit parlamentar i Partisë Demokratike, Enkelejd Alibeaj, ka kërkuar sot në Kuvend që deputetët që janë jashtë grupeve të kenë në dispozicion 10 minuta për të folur në Kuvend. Alibeaj ka kundërshtuar kryetaren e Kuvendit, Lindita Nikollën, për kohën e përcaktuar për opozitën në diskutimin që do bëhet për Portin e Durrësit. Ai tha se janë në shkelje të Kushtetutës dhe rregullores, dhe i kërkoi që t’iu japë kohën e duhur deputetëve për të folur mbi aferën e portit.
“Të jeni të drejtë me fakte dhe po ua kujtoj me qetësi. Në konferëncën e kryetarëve është vendosur në mënyrë të njëanshme koha e debatit. Për të pasur debat të limituar duhej kërkesë me shkrim, që s’ka qenë nga Balla.
Në datë 17 nëntor, kam qenë unë që e kam ngritur për herë të parë dhe ju kishit detyrimin, do duhej të votohej dhe nuk u votua. U kam paraqitur një kërkesë për të rimbledhur konferencën e kryetarëve, për të zhbërë shkeljen e Kushtetutës dhe më keni kthyer një përgjigje që s’ka lidhje. E kërkoj nga konferenca e kryetarëve dhe ma jep kryetarja e Kuvendit.
Neni 48 e përcakton që grupet parlamentare janë më të cenuarat. Të gjithë deputetët që nuk janë në një grup, kanë të drejtën të flasin 10 minuta. E udhës është që shqiptarët të dëgjojnë për një çështje të rëndë. Respektoni rregulloren,. Ktheni kohën siç duhet që çdo deputet të flasë 10 minuta. Jemi në një procedurë të përshpejtuar, detyrimi minimal është t’ia bëjmë më dije që ti japim çdo deputeti ta përçojë tek qytetarët, pavarësisht se ku është vendosur.
Konferenca e kryetarëve nuk është ajo që rishikon vendimet e veta. Çshtë seanca plenare dhe nuk mund të thërras konferenca e kryetarëve pa objekt. Të vijojmë në respekt të vendimmarrjes së konferencës së kryetarëve”, tha Alibeaj.
