Legjenda e basketbollit amerikan Kobe Bryant ndërroi jetë ditën e djeshme së bashku me vajzën e tij 13-vjeçare si pasojë e një aksidenti ajror.
Helikopteri u rrëzua në Kaliforni dhe siç u bë e ditur, Kobe po shkonte në ndeshjen e së bijës ku do të ishte trajner, pasi Gianna ishte e apasionuar në basketboll si i ati.
Sipas mediave të huaja, helikopteri i Bryant qëndroi rreth 15 minuta në mjegull të plotë.
Thuhet se piloti, Ara Zobayan, po priste që pamja ajrore të qartësohej, duke u mbështetur plotësisht në aftësitë e tij për të parë terrenin poshtë.
Sipas Departamentit të Policisë së Los Angeles, kushtet atmosferike për të fluturuar rreth orës 9 të mëngjesit nuk ishin aspak të përshtatshme.
Kobe Bryant la pas bashkëshorten e tij Vanessa dhe tre vajza.
