Komuniteti Mysliman i Shqipërisë ka reaguar pas sulmeve terroriste që ndodhën në Francë. KMSH-ja e cilëson vrasjen të pajustifikueshme, dhe se dënojnë të gjitha sulmet kundër jetës së njeriut. Komuniteti Mysliman dënon ashpër aktin e vrasjes së një mësuesi francez, kryer nga një i ri.
Në njoftimin e shpërndarë në Facebook, citohet se vrasja është e pajustifikueshme, dhe se është akt makabër. Një sulm terrorist ndodhi një ditë më parë në qytetin Nice në Francë, ku si pasojë humbën jetën 3 persona dhe u plagosën disa të tjerë.
Një nga viktimat e këtij sulmi fatkeq në katedralen Notre Dame ka qenë Vincent Loques, 55-vjeç, që kishte punuar në katedrale. Mes viktimave në Francë ishte dhe një 44 vjeçare e cila ishte nënë e tre fëmijëve e identifikuar si Silva, e cila jetonte prej 30 vitesh në Nice.
Njoftimi
Reagim zyrtar i Komunitetit Mysliman të Shqipërisë
Komuniteti Mysliman i Shqipërisë po ndjek me vëmendje ngjarjet e fundit në Francë. Ne dënojmë ashpër aktin e vrasjes së një mësuesi francez, kryer nga një i ri. Vrasja është e pajustifikueshme, është akt makabër.
Nga ana tjeter, është e papranueshme fyerja e simbolit të paqes e urtësisë, Profetit Muhamed (a.s.). Fyerje e cila është e përsëritur në disa mediume franceze e më gjerë.
Këto ngjarje fyejnë rëndë çdo mysliman, në çdo vend ku ndodhet.
Gjithashtu, ne ndjekim me shqetësim reagimet për këtë çështje edhe në mediumet e Tiranës, ku hera-herës, persona jokompetentë, në emër të “lirisë së shprehjes”, i bashkohen fyerjeve ndaj Profetit (a.s.).
Kjo nuk ndihmon në frymën e tolerancës fetare, për të cilën populli shqiptar krenohet aq shumë.
Fyerja e së shenjtës së tjetrit nuk është “liri shprehje”.
Liria e shprehjes duhet të hyjë brenda një kornize të përgjegjësisë sociale që ruan të drejtat e tjetrit!
Ne i bëjmë thirrje gjithë besimtarëve myslimanë me kombësi shqiptare, rezidentë në Francë, të jenë të përmbajtur përballë situatave të tilla!
